kgab-i an usad sa pinaka madulom ko na gab-i.
dili ko aram kun mapakain ako; dili ko aram kun nanu an hihimuon ko; kun nanu na ako; kun mati-anu na ako; kag kun nanu kay nkakamatyag ako san irog sadto.
baga lang ako an nagalakat na batingaw kgab-i. wara sa sadiri kag sa animo.
kagab-i an usad sa pinaka-ibahan na gab-i tuna-tuna san akon pag istar didi sa duta.
kay nanu man?
kay an akon pagmatyag, baga akon nasa kaduluman, na usad-usad lng. waran pakadtuan. kay wara man basi sin kakadtuan gaud.kag wara sin kaupod! kay an tawo na gusto ko makaupod… ambot!dili ko aram kun hain na… amu na gaud basi ini n ginasabi ninda na impyerno. an maglakat na bagan wara nan pulos an imo kinabuhi.
dili ko gaud pan-u ginahuna-huna na maabot na an usad sa diri ko pa gaud gina maw-ot. O kun gin maw-ot ko man dili pa nyana, dili pa sugad, kag mas lalo dili pa kgab-i.
dili ko hunaun na hasta nalng gali kami didto. wara lamang siya nagpabatyag san maski nanu na pagbatyag bago kami mag abot didto…
wara lamang nya ako ginhulat, kag gintagaan san espasyo kag adlaw o oras nalang untani, na untani makita niya kun nanu gaud an sulod san akon kasing-kasing. na untani namatyagan nya kun pan-u man ako magpalangga. kag untani na kita gaud nya an rason na gusto niya maarman; na kaya ko man gali himuon an bagay na maski dili ko aram kun nanu kay kaya ko himuon para sa iya, aram ko nahihimuon ko para sa iya.
hadarumon gaud ini na ginbilin nya na samad.
kag aram ko na dili na ako makahimo pa sani utro san pareho san ginhimo ko sa iya. kay siya pman lng an isad na tawo na nagpasabot kag nagpamatyag sa akon kun nanu an ginatawag na ‘Paghulat’. na sa tanan pa an pinaka urhi ko na hihimuon sa usad na tawo kay amo ina an ginakabadlian ko sa tanan.
siya man an nagpamatyag sa akon, na an pagpalangga diri mo gaud kaya hunaun. kay minsan an posibilidad nagaarabot sa imposibilidad. na diri mo na hunaun na kaya mo pa gali himuon.
basi, aw dili basi. kay aram ko na mapalangga pa man gaud ako kag aram ko na masasakitan paman gaud ako. pero aram ko na wara na siguro ako san hihimuan san pareho san ginhimo ko sa iya. kay sa matuod lang gaud nagbigti na ako san ilusad ko an sadiri ko sa iya. na sa kadamo naman an akon ginpalangga, sa iya ko lang nailusad an sadiri ko…
pero wara ako san ginabasulan. O dili man lang ako nagabasol na nahimo ko idto. kay sa matuod lang masadja ako. kag aram ko man na an ginhimuan ko sadto dili ko man dapat ikaalo. kay an sabi ngani kadamu ta san prilion sa aton kinabuhi, pero kinahanglan ta magpili san maayo. kag aram ko nagpili man ako san maayo.
…dili lang maayo kay dili basi kami para sa kada usad. pero ini tanan, lalo na an mga kasadjaan ko sa iya, dadarahon ko hasta nalang.
maski aram ko na wara na kami san kamutangan. maski aram ko na an iya man pagpalangga sa akon, kun ugwa man, ay diri na malampas pa sa amiga, ginabatun ko na. ….pero sa matuod lang ginatunaan ko palang batunon.
dili na man ako naga maw-ot pa na may pakadtuan pa kami. basi an akon namamatyagan,oo, ugwa pa san pakadtuan kay bagan mahidarom pa gaud ini. pero an gina maw-ot ko nalang na untani sa kahidaruman na san maabot sani kag adto na ini sa punta na wara na ini sya san pakadtuan, tani maabot na dyun sani, kag wara na ini sin mahihimo pa kundi an pa jutay-jutay mawara nalang…
i sent him a message last night:
