ANG KALUNGKUTAN NI ISIS
Sa ilog na nagiging bato ang anumang mahulog;
hayaan mong umagos ang pag-ibig na lubos.
Sa mga punong hindi kailanman yayabong;
yakapin mo ako katulad ng mga sanga nito.
Sa kalangitang nagbabadya ng ulan;
turuan mong lumipad ng maluwalhati ang diwa.
Sa mga bundok na walang pumapasok;
sabayan mo akong hanapin ang kapalaran.
Sa mga nanunuyo’t nalalantang bulaklak;
halikan mo ang nauuhaw kong puso.
At sa bawat pagsikat ng araw sa Silangan;
isayaw mo ko sa lumulubog na buwan.
